ايزيدك مرض يا عين .. اريافك علي ناس ناسيه
كان امعاك غلانا صافى .. راك امرايف كيف اريافى
العين في اغياب عزيز .. مقتوله ارياف و ساكته
امرايف يا لولاف صحيح .. ارياف العميه للتفتيح
اللي قاهرني في لولاف ... نرايف نلقا قل رياف
عليكم عقلى ميت موت ... أرياف وتنهيد بلا صوت
عندى عقل إريد إزورك ... وأمرايف عالمشيه شورك
حلفتك ياعين حلفتى...عالولاف انك رايفتى
الخاطر مايرقد فى الليل ..اريافه عالولاف طويل
اريافى عالغالى مافض ...مرض شايلنى شور مرض
اريافك ياما داير فينا..غايب غير الموت علينا
ميت موت ارياف عليكم ...محظوظ اللى ينظر فيكم
بريافي مشيت وجيت ........أعزاز ريتني ماريتم
مليان ياعزيز عليك ........عتب وغيض وارياف وغلا