طيفك ما لحظه فارقني .... في كل مكان ايلاقيني
وفي كل اغناي امرافقني .... وفي كل احروف دواويني
واضح ما نحمل فرقاك !!! وما نحمل لحظه في ابعادك
اصحا من نيران غلاك !!! واصحا من قولة حسادك
عندي بس عليك اعتاب .... وما يعاتب غير اللي ايحب
وراجع في عقللك لحساب .... وشوف اللي مقصر في الود
ابسط حاجه منها تزعل .... وفيها اتحط اللوم علي
ومنك نقبلها وما نزعل .... حتى كان ظليمه لي
انشيل الظلم امغير سامحني .... ولا حاجه اتكدرلك صفوك
وحتى لو كانت تجرحني .... نا انحملها وما انوضحلك
ياما من ودي ساقيك !!! ونتى امكافيني ابجفاك
عطيتك قلب هديه ليك !!! هذا امعاي اردود اكفاك
وراك اتحط علي اللوم .... كان دواويني جافاتك
ولاعد تسمعها في يوم .... تغني واتراجي ملاقاتك
وكي ما اقصيت عليها !! تقصى .... وتبقى راك سبب في القصوه
ولفه !!! ع الحن او عفوا .... بفعالك تطرب ع الجفوه
وتبقى بيدك خربته ....عشك !!! نا طيري نبيك
ولا عاد ينفع فيا ودك ... ولا عاد اغناي ايسليك